Kommunupartnarar

Allar kommunur í Føroyum kunnu gerast kommunupartnarar hjá Reyða Krossi Føroya og soleiðis vera við til at tryggja eitt støðugari fíggjarligt grundarlag undir humanitera arbeiðinum – í Føroyum og úti í heimi.

Reyði Krossur Føroya bjóðar føroyskum kommunum at gerast kommunupartnarar fyri eitt tvey ára tíðarskeið á gangin.

Endamálið er at skapa eitt støðugari fíggjarligt grundarlag undir humanitera arbeiðinum hjá Reyða Krossi.

Leisturin tekur støði í einum árligum stuðli á 10 kr. fyri hvønn íbúgva. Kommunan kann tó sjálv gera av at lata eina aðra upphædd.

Stuðulin verður nýttur, har tørvurin er størstur, bæði í Føroyum og kring heimin. Eftir avtalu kann stuðulin oyramerkjast til eitt ávíst virksemi í Føroyum.

Kommunupartnarar 2026 - 2028

Vit eru ómetaliga takksom fyri tær kommunur, sum hava valt at standa saman við okkum um at hjálpa.

Vágs kommuna
Hovs kommuna
Sumbiar kommuna

Vil tykkara kommuna gerast kommunupartnari?

Setið tykkum í samband við okkum á redcross@redcross.fo ella tlf. 283630 fyri nærri kunning.