Ársnálir handaðar sjálvbodnum
Í gjár vórðu ársnálir handaðar til sjálvboðin í klædnaskiljingini, sum hava verið virkin í Reyða Krossi í 5 ár ella longri.
Tað vórðu 22 ársnálir handaðar í alt á kvøldinum - harímillum vóru tvær 25 ára nálir 🌟
Skiljingin er fyrsta virksemisøkið, sum hevur fingið ársnálir handaðar, og í leypi av árinum verður komið runt til øll virksemisøkini í Reyða Krossi.
Handanin fór fram í sambandi við eitt av føstu kaffiprátunum, har sjálvboðin hittast at fáa kunning, práta og hugna sær saman.
Í ár fyllir Reyði Krossur Føroya 100 ár, og ársnálirnar eru ein partur av hátíðarhaldinum. Við teimum vilja vit heiðra og takka teimum mongu sjálvbodnu, sum gjøgnum árini hava borið felagsskapin.
Hjartans tøkk til øll sjálvboðin, sum lata sína tíð, orku og hjarta. Uttan sjálvboðin hevði eingin Reyði Krossur verið ❤️
