Fyrstahjálp við hjartastartara

Ein hjartasteðgur er altíð óvæntaður, og fyrsta hjálpin er av størsta týdningi í avgerandi minuttunum, áðrenn sjúkrabilurin kemur á staðið.

Á hesum skeiðinum lærir tú millum annað:

• Hjarta-lunga-bjarging
• Brúk av AED (hjartastartara)
• Tey fýra høvuðspunktini
• Burturbeining av fremmandalikami úr andaleiðini

Eitt fyrstuhjálparaskeið við AED er 4 tímar til longdar og kostnaður er 520 kr. fyri hvønn.

Fyritøkur, stovnar og bólkar kunnu venda sær til Reyða Kross fyri at fáa eitt tilboð.