Fyrstahjálp í ferðsluni

Tá tú tekur koyrikort, skalt tú hava fullført eitt skeið í fyrstuhjálp í ferðsluni.

Fyrstuhjálparskeið í ferðsluni er góðkent til koyrikort til bil, motorsúkklu, prutl og traktor.

Ásett eru tvey ymisk skeið, um tú skal taka fyrstuhjálparskeið í samband við koyrikort:

1. Góðkent til koyrikort til bil, motorsúkklu og traktor.

2. Góðkent til koyrikort til prutl.

Skeiðið fevnir millum annað um:

• Hjarta-lunga-bjarging við hjálp av AED (hjartastartara)
• Tey fýra høvuðspunktini
• Ferðsluvanlukkur
• Lívshættisligar bløðingar
• Brot á armar og bein
• Skaðar á nakka, rygg og høvd
• Fyribyrging av ferðsluvanlukkum
• Burturbeining av fremmandalikami úr andaleiðini

Fyrstuhjálparskeið í ferðsluni er 8 tímar til longdar.

Kostnaður er 650 kr. fyri hvønn luttakara.

Fyritøkur, stovnar og bólkar kunnu venda sær til Reyða Kross fyri at fáa eitt tilboð.