Loppumarknaðurin: NOSTALGIA VI
Leygardagin 4. februar 2012 kl. 10:00 - 15:00 inngongd í Vágsbotn.
Reyði Krossur skipar fyri serstøkum tiltaki, loppumarknaður har vit hava fingið stóran og lítlan guitara, fleiri smáðar trummur, helst frá Afrika, áhugaverdar blokfløjtur, kikarar og fototól og mangt annað, men mest av øllum:
"VINYL" LP-plátur í hópatali og fleiri singulplátur og líknandi. Kanska kanst tú hugna tær við einum kaffimunni.
Hevur tú okkurt at dugna okkum við og hjálpa okkum at hjálpa, so taka vit ímóti mikudag kl. 14:00-16:00 og kl. 19:00-21:00, men eisni seinrapartarnar 2. og 3. februar.
Send okkum annars eitt teldubræv:
Denne emailadresse er beskyttet mod programmer som samler emailadresser. Du skal aktivere javascript for at kunne se adressen.
ella tlf. 213081 |
(savnsmynd)
Reyði Krossur Føroya sóknast eftir evnum at heiðra sum “Ársins Fyrstahjálpara 2011”
Tann, sum verður kosin ”Ársins Fyrstahjálpari 2011”, fær heiðursbræv frá Reyða Krossi Føroya og eina peningagávu, ið Tryggingarfelagið Føroyar letur.
Tey, sum eru í uppskoti, skulu í farna ári á serligan hátt hava givið kropsliga ella sálarliga fyrstuhjálp.
Endamálið er ikki einans at tilnevna ”Ársins Fyrstahjálpara 2011”, men eisini at eggja øðrum at læra seg fyrstuhjálp, so fleiri mannalív kunnu bjargast.
Politi, bjargingarfeløg, skaðastovur, brandlið, virkir, stovnar og einstaklingar kunnu lata inn uppskot, ið verða viðgjørd av nevndini í Reyða Krossi Føroya.
|
|
Les meira…
|
Endaliga úrslitið av landsinnsavningini 2011 er nú gjørt upp við teljingini eisini av bússuinnsavningini í Sjóvar Kommunu, ið bleiv nakað seinkað. Og enn einaferð kann Reyði Krossur Føroya staðfesta, at fólk í Føroyum eru sera gávumikil, tá tey stuðla hjálpararbeiðinum. Inn eru komnar 740.000 krónur.
Hetta er eitt ógvuliga gott úrslit, nærum 60.000 krónur hægri enn síðsta ár.
|
|
Les meira…
|
|
Loppumarknaður 4. februar
Vit fyrireika loppumarknaða við LP-plátum og ljóðførðum.
Hevur tú okkurt at dugna okkum við, ring 319630 ella 213081 - til ber at senda teldubræv til
Denne emailadresse er beskyttet mod programmer som samler emailadresser. Du skal aktivere javascript for at kunne se adressen.
Meir at frætta 24. januar |
|
Árið 2011 royndist heilt væl hjá bókasøluni hjá Reyða Krossi Føroya, ið selir brúktar bøkur. Inn komu nærum 140.000 krónur. Hetta er besta úrslitið nakrantíð hjá bókasøluni hjá Reyða Krossi Føroya.
Bókasølan er í Reyða Kross húsinum í Havn og hevur inngongd í Vágsbotni. Bókasølan er ómannað og fólk gjalda fyri bøkurnar við at leggja pening í pengasmoguna inni í handlinum.
Umframt bókasøluna í Vágsbotni hevur Reyði Krossur Føroya tveir aðrar endurnýtsluhandlar, ið selja klæðir og ymiskar lutir.Tann eini er í Reyða Kross húsinum í Havn við inngongd á Bryggjubakka, meðan hin er á Vágsvegi 74 í Vági.
Tey, ið arbeiða í Reyða Kross handlunum, eru øll sjálvboðin. Inntøkurnar frá endurnýtsluhandlunum fara til hjálpararbeiði hjá Reyða Krossi Føroya bæði í Føroyum og uttanlanda. |
Tað er javnan, at ringt verður til Reyða Kross Føroya at fáa vitjunarvin.
Í Føroyum eru fleiri gomul fólk, ið eru einsamøll og næstan onga vitjan fáa. Nú jólini nærkast, kann einsemi kennast eyka tungt.
Vitjunartænastan hjá Reyða Krossi Føroya í Havn hevur ein góðan bólk av vitjunarvinum, ið vitja fólk. Men, nú er støðan tann, at okkum tørvar fleiri vitjunarvinir.
|
|
Les meira…
|
|
